ԵՐԵՎԱՆ, 10 հոկտեմբերի – Sputnik. Հակակոռուպցիոն դատարանի դատավոր Տիգրան Դավթյանն ազատ է արձակել ՀՀ արտակարգ իրավիճակների նախկին նախարար Անդրանիկ Փիլոյանին։ Տեղեկությունը հայտնում է armlur.am-ը։
Ըստ լրատվամիջոցի` նախկին նախարարն ազատ է արձակվել 15 միլիոն գրավի դիմաց։
Հիշեցնենք` մարտի 31-ին հայտնի դարձավ, որ Փիլոյանը կալանավորվել է։ Նրան կաշառք ստանալու և պաշտոնեական դիրքը չարաշահելու մեղադրանք է ներկայացվել։