Հայաստանում ևս մեկ օր անձրև չի գա. եղանակի տեսություն

ԵՐԵՎԱն, 8 հոկտեմբերի – Sputnik. Այսօր Հայաստանում տեղումներ չեն գրանցվի։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։

Ըստ հաղորդագրության` հոկտեմբերի 9-ի գիշերը առանձին շրջաններում, 9-ի ցերեկը, 10-ի գիշերը շրջանների զգալի մասում անձրև և ամպրոպ է սպասվում:

Ամպրոպի ժամանակ քամու ուժգնությունը կհասնի 17-20 մ/վ արագության։

Օդի ջերմաստիճանն աստիճանաբար կնվազի 8-10 աստիճանով:

Երևանում ցերեկային ժամերին օդի ջերմաստիճանը կտատանվի 26-28, գիշերը` 14-16 աստիճան տաքության սահմանում։