ԵՐԵՎԱՆ, 6 հոկտեմբերի – Sputnik. Գեղարքունիքի մարզում ավտովթար է տեղի ունեցել, որի հետևանքով կա 2 զոհ, 2 վիրավոր, գրում է shamshyan.com-ը:
«Այսօր` ժամը 12։00-ի սահմաններում, Սևան-Մարտունի-Գետափ ավտոճանապարհի 26 կմ հատվածում բախվել են «Ford Transit» և «VAZ 2103» մակնիշի ավտոմեքենաները»,–գրում է կայքը։
Վթարի հետևանքով 2 մարդ տեղում մահացել են, 2–ը մարմնական վնասվածքներով տեղափոխվել «Գավառ» բժշկական կենտրոն։
Ոստիկանություն ու քննչական բաժինը պարզում են վարորդների, մահացածների և վիրավորների ինքնությունը։
Հրշեջ-փրկարարները հոսանքազրկել են ավտոմեքենաները, փակել գազաբալոններն, իսկ հետո դիերը մոտեցրել դիատարին։
Դեպքի փաստով նախաձեռնվել է քրեական վարույթ և հարուցվել քրեական գործ։