ԵՐԵՎԱՆ, 30 սեպտեմբերի - Sputnik. ՌԴ ԶՈւ-ն հակամարտկոցային կրակով Նիկոլաևում խոցել է ուկրաինական HIMARS ՀԿՌՀ-ի դասակը, հայտնում են ՌԴ պաշտպանության նախարարությունից։
«Օդում ոչնչացվել է ամերիկյան HIMARS ռեակտիվ համազարկային կրակի 18 արկ Խերսոն քաղաքի երկնքում, Խերսոնի մարզի Նովայա Կախովկա, Չերվոնի Մայակ բնակավայրերի հատվածում, խոցվել են երկու ամերիկյան HARM հակառադիոլոկացիոն հրթիռներ Խերսոնի մարզի Նովայա Կախովկայի երկնքում»,-ասված է հաղորդագրության մեջ։
Բացի այդ, ռուսական ՀՕՊ-ը մեկ օրում ուկրաինական 5 դրոն է խոցել ԼԺՀ-ի, ԴԺՀ-ի, Խարկովի և Խերսոնի մարզերում։
«Ռուսաստանի օդատիեզերական ուժերի կործանիչ ավիացիան Դոնեցկի Ժողովրդական Հանրապետության Կլեշչեևկա բնակավայրի շրջանում խոցել է ուկրաինական օդուժի ՄիԳ-29-ը։ Եվս մեկ ուկրաինական Սու-25 ոչնչացվել է ռուսական հակաօդային պաշտպանության միջոցներով Նիկոլաևի մարզում»,-նշվում է հաղորդագրության մեջ։
Ընդհանուր առմամբ, հատուկ ռազմական գործողության մեկնարկից ի վեր ոչնչացվել է 309 ինքնաթիռ, 155 ուղղաթիռ, 2112 անօդաչու թռչող սարք, 377 զենիթահրթիռային համալիր, 5153 տանկ և այլ մարտական զրահապատ մեքենաներ, համազարկային կրակի ռեակտիվ համակարգի 856 մարտական մեքենա, դաշտային հրետանու 3440 հրանոթ և ականանետ, ինչպես նաև 5988 միավոր հատուկ ռազմական ավտոմոբիլային տեխնիկա։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 218-րդ օրը։