ԵՐԵՎԱՆ, 23 սեպտեմբերի – Sputnik. 1000 եվրոյի սահմաններում ԵԱՏՄ չհարկվող ապրանքների շեմի գործողության ժամկետը ֆիզիկական անձանց համար երկարաձգվել է մինչև 2023 թվականի ապրիլի 1-ը։ Այս մասին, ՌԻԱ Նովոստիի փոխանցմամբ, հայտնել է ԵՏՀ պաշտոնական ներկայացուցիչ Իյա Մալկինան հանձնաժողովի խորհրդի նիստից հետո։
Նա հիշեցրել է, որ այս տարվա գարնանը հանձնաժողովի խորհուրդը բարձրացրել էր չհարկվող ապրանքների ներմուծման շեմը մինչև 1000 եվրո այն ապրանքների համար, որոնք տեղափոխում են փոխադրողները կամ փոստային առաքանիով են տեղ հասնում, ինչպես նաև տրանսպորտի բոլոր տեսակներով բերվող ուղեբեռ համարվող ապրանքների համար` բացի օդային ճանապարհով և ոտքով տեղափոխվող ապրանքներից։ Նման շեմ ժամանակավորապես սահմանվել էր մինչև ընթացիկ տարվա հոկտեմբերի 1-ը։
Ինչպես պարզաբանել է Մալկինան, պահանջի երկարաձգումը թույլ կտա աջակցել քաղաքացիներին պատժամիջոցային ճնշման պայմաններում և խուսափել առաջին անհրաժեշտության և կրիտիկական ներմուծման ապրանքների դեֆիցիտից։