Գեղարքունիքում սպանել են ոստիկանության քրեական հետախուզության բաժնի ավագ օպերլիազորին

ԵՐԵՎԱՆ, 20 սեպտեմբերի – Sputnik. Գեղարքունիքի մարզում այսօր ապանել են ոստիկանության Ճամբարակի բաժնի քրեական հետախուզության բաժանմունքի ավագ օպերլիազոր, կապիտան Սիփան Սարիբեկյանին։ Տեղեկությունը հայտնում է shamshyan.com–ը։

Նշվում է, որ այսօր` ժամը 19:20-ի սահմաններում, «Ճամբարակ» բժշկական կենտրոնից ոստիկանության Ճամբարակի բաժին ահազանգ է ստացվել, որ սուր կտրող-ծակող առարկայից ստացած բազմաթիվ վնասվածքներով իրենց մոտ է տեղափոխվել տղամարդու դի:

Ենթադրյալ հանցագործի ինքնությունը և սպանության դեպքի վայրը ևս պարզվել են։

Ձեռնարկվում են անհրաժեշտ օպերատիվ-հետախուզական և քննչական գործողություններ նրան և հանցագործության գործիք առարկան հայտնաբերելու ուղղությամբ: