Երևանում զուգահեռաբար երկու ակցիա է տեղի ունենում։ Մի խումբը Կասկադ համալիրում է, որտեղ քաղաքացիներն իրենց աջակցությունն են հայտնում ԱՄՆ Ներկայացուցիչների պալատի խոսնակ Նենսի Փելոսիի այցին ու կոչ են անում պատժամիջոցներ սահմանել Բաքվի դեմ։
Երկրորդ խումբը հավաքվել է Սպենդիարյանի անվան Օպերայի և բալետի ազգային թատրոնի շենքի մոտ՝ պահանջելով ՀՀ իշխանություններից դուրս գալ ՀԱՊԿ–ից։
Չնայած, որ ակցիան հայտարարվել էր որպես ոչ քաղաքական, բայց հստակ համակարգվում է Արևմուտքի և ԱՄՆ–ի կողմից ֆինանսավորվող կուսակցությունների և հասարակական կազմակերպությունների կողմից։ Օպերայի շենքի մոտ են Հայաստանի Եվրոպական կուսակցության առաջնորդ Տիգրան Խզմալյանը, «Ազգային ժողովրդավարական բևեռ» արմատական քաղաքական կուսակցության ներկայացուցիչներ, «Հանուն հանրապետության» կուսակցության ղեկավար Արման Բաբաջանյանը։
Կազմակերպիչների խոսքով` նրանք եկել են օպերայի շենքի մոտ` գործող իշխանություններից պահանջելու դուրս գալ ՀԱՊԿ–ից և անվտանգության նոր համակարգ ստեղծել այլ դաշնակիցների` արևմտյան երկրների հետ։ Ակտիվորեն տարածվում է մի գաղափար, թե Ռուսաստանը անվստահելի դաշնակից է և այս ամենը ոչ միայն ԱՄՆ–ի և ԵՄ–ի, այլև Ուկրաինայի ծածանվող դրոշների ֆոնին։ Ուկրաինայի ղեկավարությունը 44-օրյա պատերազմի ժամանակ աջակցում էր Բաքվին և շնորհավորում տարածքների «վերադարձի» համար։