ԵՐԵՎԱՆ, 15 սեպտեմբերի - Sputnik. Ավտոմեքենան, որում գտնվում էր Ուկրաինայի նախագահ Վլադիմիր Զելենսկին, Կիևում վթարի է ենթարկվել։ Այդ մասին ֆեյսբուքյան էջում հայտնել է նրա մամուլի քարտուղար Սերգեյ Նիկիֆորովը։
Նրա խոսքով, պատահարը տեղի է ունեցել սեպտեմբերի լույս 15-ի գիշերը։ Զելենսկու ծառայողական մեքենային մարդատար ավտոմեքենա է բախվել։ Բժիշկը զննել է նախագահին, լուրջ վնասվածքներ չեն հայտնաբերվել։
Նիկիֆորովն ավելացրել է, որ Զելենսկուն ուղեկցող բժիշկները մարդատար ավտոմեքենայի վարորդին առաջին օգնություն են ցուցաբերել և տեղափոխել են շտապ օգնության մեքենա։