ԵՐԵՎԱՆ, 12 սեպտեմբերի – Sputnik. Ռումինիայում անցկացվող շախմատի աղջիկների մինչև 18 տարեկանների աշխարհի առաջնությունում Հայաստանի չեմպիոն, ազգային հավաքականի շախմատիստուհի Մարիամ Մկրտչյանը 7-րդ անընդմեջ հաղթանակը տարավ և 7 միավորով միանձնյա առաջատարն է։
7-րդ տուրում Մարիամ Մկրտչյանը սև ֆիգուրներով պարտության մատնեց իսպանացի Մարիա Էյսագուերիին։
Մինչև 14, 16 և 18 տարեկանների շախմատի աշխարհի առաջնությունն անցկացվում է Ռումինիայի Մամայա քաղաքում:
Մրցումներն անցկացվում են շվեյցարական համակարգով՝ 11 տուրով: