ԵՐԵՎԱՆ, 6 սեպտեմբերի – Sputnik. Զապորոժիեի մարզի Բերդյանսկ քաղաքի` մահափորձի ենթարկված պարետը մահացել է պայթյունի հետևանքով ստացած վիրավորումից։ Հայտնում է ՌԻԱ Նովոստին` վկայակոչելով Զապորոժիեի շրջանի իշխանություններին։
Հիշեցնենք` այսօր Բերդյանսկի կենտրոնում՝ քաղաքի վարչակազմի շենքի մոտ, պայթյուն էր հնչել։ Իշխանությունը դա ահաբեկչություն էր որակել։
Ավելի ուշ հայտնի էր դարձել, որ պայթեցվել է քաղաքի պարետ Արտյոմ Բարդինին պատկանող ավտոմեքենան։ Նա ծանր վիճակում հոսպիտալացվել էր։
Զապորոժիեի շրջանի վարչակազմի գլխավոր խորհրդի անդամ Վլադիմիր Ռոգովը հայտնել էր, որ Բերդյանսկի պարետի դեմ մահափորձի հետևում Զելենսկու ռեժիմի ահաբեկիչներն են կանգնած։