Անձրևն ու ամպրոպը վերադառնում են. եղանակի տեսություն

ԵՐԵՎԱՆ, 6 սեպտեմբերի - Sputnik. Հայաստանի Հանրապետության տարածքում սեպտեմբերի 6-ի գիշերը և կեսօրից հետո առանձին շրջաններում, 7-ին ժամանակ առ ժամանակ շրջանների մեծ մասում, 8-ի գիշերը առանձին շրջաններում սպասվում է անձրև և ամպրոպ:

Ինչպես հայտնում է ԱԻՆ մամուլի ծառայությունը, սեպտեմբերի 8-ի ցերեկը, 9-10-ը սպասվում է առանց տեղումների եղանակ:

Քամին հյուսիս-արևմտյան է՝ 2-5 մ/վ արագությամբ, ամպրոպի ժամանակ սպասվում է քամու ուժգնացում՝ 15-20 մ/վ արագությամբ:

Օդի ջերմաստիճանը սեպտեմբերի 6-7-ն աստիճանաբար կնվազի 7-10 աստիճանով:

Երևան քաղաքում ևս սեպտեմբերի 6-ի երեկոյան ժամերին, 7-ի գիշերը սպասվում է կարճատև անձրև և ամպրոպ, ամպրոպի ժամանակ սպասվում է քամու ուժգնացում 15-19 մ/վ արագությամբ: Սեպտեմբերի 8-10-ը սպասվում է առանց տեղումների եղանակ:

Մայրաքաղաքում սեպտեմբերի 6–ի գիշերը եղել է 17-19 աստիճան տաքություն, իսկ ցերեկային ժամերին կգրանցվի +27...+29 աստիճան։