ԵՐԵՎԱՆ, 31 օգոստոսի – Sputnik. Երևանի Կարեն Դեմիրճյանի անվան մետրոպոլիտենից հայտնում են, որ սեպտեմբերի 1-ից Երևանի մետրոպոլիտենի երթևեկության գրաֆիկում կատարվելու են որոշակի փոփոխություններ։ Տեղեկությունը հրապարակվել է մետրոպոլիտենի ֆեյսբուքյան էջում։
Մասնավորապես` մետրոպոլիտենն աշխատանքը կսկսի առավոտյան ժամը 08։00-ից, կավարտի 23։00-ին։
Ըստ նոր չվացուցակի` գնացքների երթևեկության միջակայքը կկազմի 4,5-5 րոպե՝ ներկայիս 6 րոպեի փոխարեն։