Բողոքի ակցիաներ, սառցե շոու, տոն և մրցանակներ. անցնող շաբաթը` լուսանկարներով

«Փեթակ» առևտրի կենտրոնի աշխատակիցները բողոքի ակցիա էին իրականացնում և պահանջում բացել առևտրի կենտրոնը։ «Սուրմալուում» տեղի ունեցած պայթյունից հետո փակ էր նաև «Փեթակը»։

Երևանում հարգանքի տուրք մատուցեցին Հայրենական մեծ պատերազմի հերոս, Ծովակալ Հովհաննես Իսակովի հիշատակին և նշեցին Ռուսաստանի պետական դրոշի օրը։

Անկախության հռչակագրի ընդունման 32-րդ տարեդարձի առթիվ Երևանում կազմակերպվել էր ՀՀ առաջին գումարման Գերագույն խորհրդի խորհրդանշական նիստը։ ԳԽ 100 պատգամավորներից նիստին ներկա էին 30-ը։

Հանրապետության հրապարակում հերթական հանրահավաքն է, որի մասնակիցները պահանջում են վարչապետ Նիկոլ Փաշինյանի հրաժարականը։

Իր աշխատանքը վերսկսեց «Փեթակ» առևտրի կենտրոնը։ Շուրջ 10 օր հարկադիր պարապուրդի մատնված վաճառողները կարգի են բերում իրենց վաճառասրահները։

Երևանի Ազատության հրապարակում ոստիկանները բերման ենթարկեցին հակառուսական ցույցի այն մասնակիցներին, որոնց ձեռքին անպարկեշտ արտահայտություններով պաստառներ կային։

ԿԳՄՍ նախարար Վահրամ Դումանյանը և փոխնախարար Կարեն Գիլոյանը հուզմունքով ուսումնասիրում են մարմնամարզիկ Հարություն Մերդինյանի ծանր մեդալը։ «Այս ոսկե մեդալի մեջ 23 տարվա քրտինք կա»,- հպարտանում է Մեդինյանը։

Երևանում առաջին անգամ անցկացվեց «Ձյունե թագուհի» սառցե շոուն, որին մասնակցեցին նաև հայ գեղասահորդներ։

Շաբաթվա ավարտը նշանավորվեց մեկ այլ ստեղծագործական նախաձեռնությամբ. Գյումրիում բացվեց «Հոլիվուդի բակը», որտեղ նկարահանվել են լեգենդար ֆիլմեր՝ «Մեր մանկության տանգոն», «Հեղնարի աղբյուրը», «Ուրախ ավտոբուսը» և այլն։