ԵՐԵՎԱՆ, 26 օգոստոսի – Sputnik. Օգոստոսի 25-ին ողբերգական ավտովթար է տեղի ունեցել Լոռու մարզում: Կա երեք զոհ։ Տեղեկությունը հայտնում է shamshyan.com–ը։
«Ժամը 19:20–ի սահմաններում Վանաձոր-Ալավերդի Մ-6 ավտոճանապարհի 24-րդ կմ հատվածում բախվել են Man բեռնատարն ու Mercedes մակնիշի ավտոմեքենաները»,–գրում է կայքը:
Բախման հետևանքով Mercedes-ը բախվել է ճանապարհին տեղադրված բետոնե հենապատերին, որից երկուսը կոտրվել են ու Mercedes-ը մոտ 4 մետր բարձրությունից ընկել և կողաշրջված վիճակում հայտնվել է Դեբեդ գետի ափին՝ բախվելով ծառին:
Վթարի հետևանքով 1 մարդ տեղում մահացել է, 2–ը` ծայրահեղ ծանր ախտորոշմամբ տեղափոխվել «Վանաձոր» բժշկական կենտրոն:
Ճանապարհին վիրավորներից մեկը, գիտակցության չգալով, մահացել է:
Վթարի հետևանքով 1 մարդ տեղում մահացել է, 2–ը` ծայրահեղ ծանր ախտորոշմամբ տեղափոխվել «Վանաձոր» բժշկական կենտրոն:
Ճանապարհին վիրավորներից մեկը, գիտակցության չգալով, մահացել է:
Մինչ քննչական խումբը դեպքի վայրի զննություն էր կատարում, «Վանաձոր» բժշկական կենտրոնից ոստիկանության Գուգարքի բաժին ահազանգ է ստացվում, որ վիրավորը, գիտակցության չգալով, նույնպես մահացել է:
Վթարի փաստով Լոռու մարզի քննչական վարչությունում հարուցվել է քրեական գործ:
Ոստիկանությունն ու քննչական վարչությունը պարզում են վարորդների, մահացածների ինքնությունը:
Կայքի տեղեկություններով՝ մահացածներից մեկը 18-ամյա Նարե Մաթևոսյանն է, մյուսները` 15-ամյա Միլենա Պարտիկյանը և 20-ամյա Արգիշտի Մանուկյանը։ Man-ի ղեկին եղել է 58-ամյա Դավիթ Օմիլաշվիլին: