ԵՐԵՎԱՆ, 25 օգոստոսի - Sputnik. Էջմիածին քաղաքի Բաղրամյան փողոցի շենքերից մեկի բակում կենցաղային հարցերի շուրջ վիճաբանության ժամանակ 22-ամյա աղջիկը դանակահարել է 40-ամյա հարևանին։ Տեղեկությունը հայտնում է ոստիկանությունը։
Դեպքը տեղի է ունեցել երեկ` մոտավորապես 23.30-ին։
Տղամարդը որովայնի կտրած-ծակած, թափանցող վնասվածքով տեղափոխվել է բուժկենտրոն։
Ոստիկանների բացատրական աշխատանքի արդյունքում 22-ամյա կինը ներկայացել է Վաղարշապատի բաժին և խոստովանել արարքը: Նախաձեռնվել է քրեական վարույթ: