Լրագրող և փիլիսոփա Դարյա Դուգինայի հրաժեշտի արարողությունը կազմակերպվել է «Օստանկինոյում»։
Դարյայի հայրը՝ փիլիսոփա Ալեքսանդր Դուգինը, հիշել է դստեր հետ վերջին զրույցը։
«Հայրի՛կ, ես ինձ զինվոր եմ զգում։ Ես այլ ճակատագիր չեմ ուզում։ Ուզում եմ լինել իմ ժողովրդի, իմ երկրի հետ, ցանկանում եմ լինել աշխարհի ուժերի կողքին»,- հոր խոսքով՝ ասել է Դուգինան։
Հազիվ զսպելով արցունքները` Դարյայի հայրն ավելացրել է. «Ես երախտապարտ եմ ձեզ, մեր ժողովրդին, բոլոր նրանց, ովքեր արձագանքեցին, գրեցին... Նա զոհվեց հանուն ժողովրդի, հանուն Ռուսաստանի։ Նա մահացավ այն ճակատում, որն այստեղ է՝ մեզանից յուրաքանչյուրի մեջ։ Նա ապրեց հանուն հաղթանակի և զոհվեց հանուն հաղթանակի»։
Հիշեցնենք` օգոստոսի 20-ի երեկոյան մերձմոսկովյան Օդինցովսկի շրջանում ընթացքի ժամանակ մեքենա է այրվել, որը, քննչական մարմինների տվյալներով, կառավարել է լրագրող և քաղաքագետ Դարյա Դուգինան։ Հայտնի հասարակական գործիչ Ալեքսանդր Դուգինի դուստրը մահացել է։ Նախնական վարկածի համաձայն` դեպքը տեղի է ունեցել մեքենայում տեղադրված պայթուցիկ սարքի պատճառով։
Քրեական գործ է հարուցվել համընդհանուր վտանգ ներկայացնող ձևով կատարված սպանության հոդվածով։
Ռուսաստանի ԱԴԾ-ն հայտարարել է, որ բացահայտել է Դարյա Դուգինայի սպանությունը։