Երևանի քաղաքապետը նոր խորհրդական ունի

ԵՐԵՎԱՆ, 22 օգոստոսի – Sputnik. Երևանի քաղաքապետ Հրաչյա Սարգսյանը Հովհաննես Նիկողոսյանին նշանակել է իր խորհրդական։ Սարգսյանն այս որոշման մասին հայտարարեց աշխատանքային խորհրդակցության ժամանակ։

Քաղաքապետը ներկայացրեց նաև մետրոպոլիտենի տնօրենի ժամանակավոր պաշտոնակատար Բաբկեն Սեդրակյանին: Հենց նա կզբաղեցնի Սահակ Վարդանյանի տեղը, որը դեռևս օգոստոսի 19-ին սեփական դիմումի համաձայն ազատվել է զբաղեցրած պաշտոնից։

Քաղաքապետը շնորհավորեց նրանց և մաղթեց արդյունավետ աշխատանք: