Պայթյուն է տեղի ունեցել «Սուրմալու» առևտրի կենտրոնում. կան տուժածներ

Հրդեհի բարդության «Թիվ 2» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից 10 մարտական հաշվարկ։
Sputnik
ԵՐԵՎԱՆ, 14 օգոստոսի - Sputnik. Օգոստոսի 14-ին, ժամը 13։23-ին Ճգնաժամային կառավարման ազգային կենտրոն ահազանգ է ստացվել, որ «Սուրմալու» առևտրի կենտրոնում տեղի է ունեցել պայթյուն։
Տեղեկությունը հայտնում են ՀՀ արտակարգ իրավիճակների նախարարությունից։
Հրդեհի բարդության «Թիվ 2» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ։
Ըստ նախնական տվյալների՝ տեղի է ունեցել պայթյուն՝ հրդեհի բռնկմամբ․ կան տուժածներ։
Հայտարարվել է հրդեհի բարդության «Թիվ 3» կանչ․ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս 4 մարտական հաշվարկ։
Առևտրի կենտրոնին հարակից շենքի բնակիչների խոսքով, որոտացել է շատ հզոր պայթյուն, որին հետևել են կրակահերթ հիշեցնող պայթյունների ձայներ։ «Դեռ մինչև հիմա էլ ինչ–որ տրաքոցների ձայներ են գալիս»,– հայտնեց Sputnik Արմենիայի զրուցակիցը։
Դեպքի վայր օգնության են մեկնել ԱԻՆ ՓԾ Երևան քաղաքի և մարզային փրկարարական վարչությունների հրշեջ-փրկարարական ջոկատներից ևս տասը մարտական հաշվարկ։