Օգոստոսի 2-ից 5-ը Ղրղզստանում` «Էդելվեյս» զորավարժարանում, երկու փուլով անցկացվել է ՀԱՊԿ Արագ արձագանքման հավաքական ուժերի հատուկ մարտավարական զորավարժությունը՝ «Կոբալտ-2022» պայմանական անվանունով: Տեղեկությունը հայտնում է ՀԱՊԿ մամուլի ծառայությունը։
Մշակվել են ՀԱՊԿ անդամ պետությունների իրավասու մարմինների համահավաք օպերատիվ-մարտական խմբերի գործնական գործողությունները՝ ուղղված պետական սահմանն ապօրինաբար հատած ավազակախմբերի ոչնչացմանը (չեզոքացմանը), թմրանյութերի շրջանառության ուղիների փակմանը, զենքի առգրավմանը, մարտական գործողությունների ընթացքում ծագած արտակարգ իրավիճակների և դրանց հետևանքների վերացմանը:
Զորավարժություններին ներգրավված են եղել անձնակազմի շուրջ 500 անդամներ, զրահատեխնիկա, մարտավարական հրետանի, հատուկ ավտոտրանսպորտ, անօդաչու թռչող սարքեր, ծառայողական-հետախուզական շներ: