Ռուսական բանակի ու Դոնբասի հանրապետությունների միութենական ուժերի հրետանային հաշվարկը Խարկովի մոտակա Ռուսկայա Լոզովայա բնակավայրում իսպանալեզու վարձկանների մի խումբ է ոչնչացրել։ Նրանց քաղաքացիության մասին ճշգրիտ տվյալներ դեռ չկան։ Տեղեկությունը ՌԻԱ Նովոստիին հայտնել է աղբյուրը մարտական ստորաբաժանումներից մեկում։
«Հուլիսի 30-ին Ռուսկայա Լոզովայա բնակավայրում ոչնչացվել են շուրջ հինգ ու վիրավորվել մոտ տասը վարձկաններ, մեր տվյալներով՝ իսպանացիներ։ Իսպաներեն խոսքը արձանագրվել է ռադիոկապի ժամանակ», - ասել է գործակալության զրուցակիցը։
Նրա խոսքով՝ հայտնաբերված խմբի մարտիկների քաղաքացիության մասին հստակ տվյալներ դեռ չկան։
«Ի սկզբանե խորքային հետախուզության միջոցներով հայտնաբերվել է հակառակորդի կենդանի ուժի կուտակում, որից հետո պարզվել է, որ դա իսպանացիների խումբ է։ Թիրախը մեզ մոտեցավ ու խոցվեց», - ասել է զինծառայողը։
Մարտի սկզբին Ուկրաինայի նախագահ Վլադիմիր Զելենսկին հայտարարել էր, որ երկիր պատերազմելու համար գալիս են 16 հազար օտարերկրացի վարձկաններ։ Հուլիսի կեսերին Ռուսաստանի պաշտպանության նախարարությունը հայտնել էր, որ հակամարտության գոտի է ժամանել շուրջ 7,1 հազար մարդ 60 երկրներից, սակայն նրանց թիվն արդեն կրճատվել է մինչև 2,7 հազարի: