ԵՐԵՎԱՆ, 1 օգոստոսի- Sputnik. Երգչուհի Սիրուշոն, որը վերջերս է երրորդ անգամ մայրացել, ինստագրամյան իր էջում ընտանեկան լուսանկար է հրապարակել ու հուզիչ գրառում կատարել։
«Վերջին տարիներին ավելի եմ հասկացել, որ պետք է հասցնել ապրել, այն էլ մեր իրականության մեջ, երբ չգիտես վաղը ինչ նոր ցավ կամ հիասթափություն է սպասվում... Ինձ սովորեցնում եմ հնարավորինս վայելել պահերը, ընկերներիս, հարազատներիս.. Հնարավորինս շատ ծիծաղել, շատ լցնել իմ ու շրջապատիս կյանքը դրականով... Շնորհակալ լինել կյանքի բոլոր պահերի համար...»,–լուսանկարին կից գրել է երգչուհին։
Հիշեցնենք, որ Սիրուշոն ՀՀ երկրորդ նախագահ Ռոբերտ Քոչարյանի կրտսեր որդու՝ Լևոն Քոչարյանի կինն է։ Ընտանիքում սպասվող համալրման մասին Սիրուշոն հայտնել էր մարտին։ Նա խոսել էր դստերը` Զաբելին, արտերկրում լույս աշխարհ բերելու մասին և նշել, որ այլ կերպ ուղղակի հնարավոր չէ։ Նրանք նաև երկու որդի ունեն, որոնք նույնպես ծնվել են ԱՄՆ-ում։
Վերջերս նա տեսանյութ էր հրապարակել սոցցանցերում` հերքելով այն խոսակցությունները, թե իր զավակներին փոխնակ մայրն է լույս աշխարհ բերում։