Սևերոդոնեցկի այս շրջանում կանգուն տներ գրեթե չեն մնացել։ Փողոցները լի են արկերից առաջացած ձագարներով ու մետաղների բեկորներով։ Շուրջբոլորը զենքի ու զինամթերքի կույտեր են։
Այսօր, տեղի բնակիչների խոսքով, Սևերոդոնեցկում համեմատաբար հանգիստ է։ Քաղաքն աստիճանաբար վերադառնում է խաղաղ կյանքի։
SputnikKZ-ի թղթակիցը ժամանել է Սևերոդոնեցկ, որը ՌԴ–ի և ԴԺՀ–ի զինվորականները ետ են գրավել ուկրաինացի գրոհայիններից։ Տեղի բնակիչները պատմել են, որ այսօր Սևերոդոնեցկում համեմատաբար հանգիստ է։ Ժողովրդական միլիցիայի զինծառայողները, ինչպես նաև ՌԴ զինվորականները ականազերծում են տարածքը։ Ուկրաինայի ԶՈւ խրամատները փորված են հենց ավերակների վերածված բնակելի տան դիմաց։ Ու դրանք անմիջապես մանկական խաղահրապարակում էին գտնվում։
Հարևան Լիսիչանսկում իրավիճակը պակաս բարդ չէ, երկու քաղաքներն էլ մարդասիրական աղետի եզրին են։ Տեղի բնակիչները ջրի, սննդի և դեղորայքի սուր կարիք ունեն։ Ռուսաստանն ու ԼԺՀ–ն փորձում են մարդկանց ապահովել անհրաժեշտ ամեն ինչով։
Ամեն դեպքում տեղի բնակիչները համոզված են, որ կկարողանան հաղթահարել դժվարությունները։