ԵՐԵՎԱՆ, 27 հուլիսի - Sputnik. Կարեն Դեմիրճյանի անվան Երևանի մետրոպոլիտենն այսօր առավոտից չի աշխատում, բոլոր կայարանների դռները փակ են, հայտնում են մետրոպոլիտենի մամուլի ծառայությունից։
«Մետրոպոլիտենի մեքենավարներն առավոտյան ժամը 06:00-ից գործադուլ են սկսել՝ պահանջելով աշխատավարձի բարձրացում։ Այս պահին մետրոպոլիտենի տնօրինությունը բանակցում է մեքենավարների հետ՝ ակնկալելով, որ նրանք րոպե առաջ կանցնեն իրենց աշխատանքային պարտականությունների բնականոն կատարմանը»,- ասված է հաղորդագրության մեջ։
Մետրոպոլիտենի տնօրենությունը հայցում է ուղևորների ներողամտությունը պատճառված անհարմարության համար։