ԵՐԵՎԱՆ, 26 հուլիսի – Sputnik. Սյունիքի մարզի Վերիշեն գյուղում կասեցվել է պահածոների արտադրամասի արտադրական գործունեությունը։ Տեղեկությունը հայտնում է ՀՀ սննդամթերքի անվտանգության տեսչական մարմինը։
Ըստ հաղորդագրության` Սյունիքի մարզային կենտրոնի տեսուչները վերահսկողական միջոցառումներ են անցկացրել անհատ ձեռնարկատեր Կիմ Բաղդասարյանին պատկանող պահածոների (կարմիր բազուկի պահածոյացում) արտադրամասում։
Պարզվել է, որ այնտեղ խախտվել են սանիտարահիգիենիկ սահմանված նորմերը․ արտադրամասի պատերն ունեցել են վերանորոգման կարիք՝ լվացվող և ախտահանվող չեն եղել, պատուհանները և փեղկերը մաքուր չեն եղել և չեն ունեցել միջատապաշտպան ցանցեր, սենքի հատակը չի ունեցել հարթ մակերես, չի պահվել նորոգ վիճակում, լվացող և ախտահանող նյութերը չեն պահվել սննդամթերքից առանձնացված տարածքում, սննդի շղթայում ներգրավված աշխատակից Կիմ Բաղդասարյանը չի ենթարկվել պարտադիր նախնական և պարբերական բժշկական զննությունների:
Արտադրամասին ժամկետ է տրվել հայտնաբերված խախտումները վերացնելու համար:
Սյունիքում կասեցվել է պահածոների արտադրամասի արտադրական գործունեությունը