ՌԴ պաշտպանության նախարարությունը հրապարակել է Ուկրաինայում Կենտրոնական ռազմական օկրուգի «Ուրագան» համազարկային կրակի ռեակտիվ համակարգերի մարտական աշխատանքի կադրերը:
Զինծառայողներն առաջ են շարժվել դեպի կրակային դիրքեր։ Ուկրաինական դիրքերի ուղղությամբ կրակի ճշգրտումը զինվորականներն իրականացրել են «Օրլան» անօդաչուների օգնությամբ: Նրանք հրթիռային հարված են հասցրել ուկրաինական զորքերի դաշտային պահեստին, որոնցում ամերիկյան М777 հաուբիցներ էին պահում։
220 մմ տրամաչափի «Ուրագան» համազարկային կրակի ռեակտիվ համակարգերը նախատեսված են կենդանի ուժի, զրահատեխնիկայի, հրամանատարական կետերի, ռազմական ենթակառուցվածքի օբյեկտների ոչնչացման համար: Դրանք առանձնանում են մանևրելու ու տեղակայման բարձր արագությամբ:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 148-րդ օրը։