Ռուսաստանի պաշտպանության նախարարությունը ռեպորտաժ է պատրաստել Ռուսաստանի հերոս, փոխգնդապետ Անդրանիկ Գասպարյանի մասին։
Գասպարյանը փետրվարին գրավել և պահել է Դնեպրի վրայով անցնող ռազմավարական կամուրջը։ Այդ նպատակով փոխգնդապետն իր ստորաբաժանման հետ արագացված մարշ-նետում է կատարել։ Զինվորականները, հակառակորդի մշտական կրակի տակ, ռազմական օբյեկտը պաշտպանել են երեք օր։
Ներկայումս սպան շարունակում է ծառայությունը։ Նա ղեկավարում է ՀՌՕ-ի բանակային կորպուսի առափնյա պաշտպանության առանձին բրիգադը։
Ծառայակիցները պատմում են, որ նա շատ պատասխանատու ղեկավար է․«Երբ տեսնում ես, որ հրամանատարը միշտ կողքիդ է, միշտ հետաքրքրվում է, դա շատ է բարձրացնում մարտական ոգին...»։
Օմսկի դպրոցում, որտեղ Անդրանիկը սովորել է 22 տարի առաջ, նրա պատվին պատվո տախտակ են բացել։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 138-րդ օրը։