Գրկախառնություններ և երջանկության արցունքներ․ այսպես են հարազատներն ու հարևանները Լիսիչանսկում դիմավորել Անդրեյ Սկորիին։ Նա ութ տարի չէր եղել հայրենի քաղաքում։ Հանդիպման սրտառուչ պահը նկարահանել է ՌԻԱ Նովոստիի թղթակիցը։
Մինչև 2014 թվականը Սկորին իր քաղաքում բիզնես էր վարում, իսկ ավելի ուշ Լիսիչանսկի փոխղեկավարն էր։
Այս տարիների ընթացքում նրա սրճարանը ճաշարան էր ծառայում ուկրաինացի գրոհայինների համար, իսկ հիմա նա, ուղղություններից մեկում մարտերի հրամանատարը լինելով, վերադարձրել է իր ունեցվածքն ու տունը։
Դաշնակից զորքերը վերահսկողության տակ են վերցրել Լիսիչանսկը՝ Լուգանսկի Ժողովրդական Հանրապետության վերջին քաղաքը, որտեղ ուկրաինական զորքեր կային, իսկ կիրակի օրը ՌԴ պաշտպանության նախարար Սերգեյ Շոյգուն նախագահ Վլադիմիր Պուտինին զեկուցել է ԼԺՀ-ի ազատագրման մասին: Ուկրաինական զորքերի գլխավոր շտաբը Լիսիչանսկից իր ստորաբաժանումների հեռացումը խոստովանել է միայն մեկ օր անց՝ հուլիսի 3–ի երեկոյան: Ավելի ուշ դա խոստովանել է նաև Վլադիմիր Զելենսկին։