ՌԴ խաղաղապահ զորախումբը Արցախում բարեգործական ակցիա է կազմակերպել։ Այս մասին հայտնում է Peacekeeper Տելեգրամ ալիքը
Աղբյուրի համաձայն` «Մերսի» բարեգործական կազմակերպության հետ միասին մարդասիրական ակցիա է անցկացվել Շուշիի շրջանի մի շարք բնակավայրերում։ Երեխաներին դպրոցական պարագաներ են տրամադրվել։
Նշենք, որ նման միջոցառումներ ՌԴ խաղաղապահ զորակազմն ու «Մերսի» բարեգործական կազմակերպությունն անցկացնում են պարբերաբար։
Հիշեցնենք` 2020թ.-ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա-ադրբեջանական սահմանի ողջ երկայնքով։
2020թ.-ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին: