Թուրքիայի Արդվին քաղաքում սողանք է տեղի ունեցել, հաղորդում է թուրքական TRT հեռուստաալիքը։
Նշվում է, որ Քեմալփաշայի շրջանում տեղի ունեցած միջադեպի հետևանքով վնասվել են 4 բեռնատարներ, որոնք անցնում էին ճանապարհի այս հատվածով։
Նրանցից երկուսն ընկել են փլատակների տակ։ Նախնական տեղեկություններով՝ մեկ մարդ մահացել է, ևս մեկը՝ վիրավորվել։
Տուժածների թիվը, հնարավոր է` ավելի մեծ լինի, տվյալները դեռ ճշտվում են։