ԵՐԵՎԱՆ, 24 հունիսի – Sputnik. Այսօր Երևանի Գլինկայի փողոցի ավտոտեխսպասարկման կետերից մեկում տեղի ունեցած պայթյունի հետևանքով, ըստ նախնական տվյալների, կա 5 տուժած։ Տեղեկությունը Sputnik Արմենիային հայտնեցին ՀՀ արտակարգ իրավիճակների նախարարությունից։
«Բոլոր տուժածները տեղափոխվել են Այրվածքաբանության ազգային կենտրոն։ Զոհ չկա»,– նշեցին մամուլի ծառայությունից։
Sputnik Արմենիան եղել է դեպքի վայրում։ Ականատեսներից մեկը մեզ պատմեց, որ գազի արտահոսքի ձայն են լսել, մոտեցել են մեքենային, փակել գազի փականը, հետո պայթյուն է որոտացել։
Ավելի վաղ ԱԻՆ–ից հայտնել էին, որ ավտոմեքենայի պայթյունը գրանցվել է այսօր` մոտավորապես 14:00-ին, Գլինկայի փողոցի թիվ 3 հասցեում։