ԵՐԵՎԱՆ, 18 հունիսի – Sputnik. Այսօր՝ հունիսի 18-ին, խոշոր ավտովթար է տեղի ունեցել Շիրակի մարզում, կան տուժածներ։ Տեղեկությունը հայտնում է shamshyan.com-ը։
«Ժամը 14:00-ի սահմաններում Երևան-Գյումրի ավտոճանապարհի 92 կմ հատվածում բախվել են Արագածոտնի մարզի բնակիչ 37-ամյա Սարգիս Վարդանյանի վարած Mercedes մակնիշի և Երևանի բնակիչ 54-ամյա Վաչե Կիրակոսյանի վարած Suzuki մակնիշի ավտոմեքենաները»,–գրում է կայքը:
Վթարի հետևանքով Mercedes-ի վարորդ Ս. Վարդանյանը, վերջինիս ուղևորը` Արագածոտնի մարզի բնակիչ 55-ամյա Վարդան Վարդանյանը, մարմնական վնասվածքներով տեղափոխվել են Գյումրու բժշկական կենտրոն:
Վթարի փաստով նյութեր են նախապատրաստվում: