ԵՐԵՎԱՆ, 13 հունիսի – Sputnik. Երևանի Արշակունյաց պողոտայում 39-ամյա Ալբերտ Թ.-ն իր վարած «Volkswagen» մակնիշի ավտոմեքենայով վրաերթի է ենթարկել մի տղամարդու և բախվել ծառին։ Տեղեկությունը հայտնում է shamshyan.com–ը։
Ըստ հաղորդագրության` դեպքը տեղի է ունեցել մոտավորապես 09։00-ին։
Վրաերթի ենթարկված հետիոտնը Երևանի բնակիչ 66-ամյա Հրաչ Բ.-ն է, որը տեղափոխվել է «Էրեբունի» ԲԿ։ Ավտոմեքենայում, բացի վարորդից, եղել է նաև 13-ամյա Ն. Թ.-ն։ Նրան մարմնական վնասվածքներով տեղափոխել են «Մուրացան» ԲԿ։
Վրաերթ–վթարի փաստով նյութեր են նախապատրաստվում։