Հայաստանում օդի ջերմաստիճանը կշարունակի նվազել. եղանակի տեսություն

ԵՐԵՎԱՆ, 12 հունիսի – Sputnik. Այսօր և առաջիկա օրերին կեսօրից հետո և գիշերային ժամերին Հայաստանի շրջանների զգալի մասում կարճատև անձրև կտեղա։ Առանձին հատվածներում սպասվում է նաև կարկուտ: Տեղեկությունը հայտնում է Հիդրոօդերևութաբանության և մոնիտորինգի կենտրոնը։

Օդի ջերմաստիճանն աստիճանաբար կնվազի 2-3 աստիճանով:

Երևանում անձրև կգա երեկոյան ժամերին և գիշերը։ Այսօր ցերեկը մայրաքաղաքում օդի ջերմաստիճանը կտատանվի 28-30, գիշերը` 15-17 աստիճան տաքության սահմանում։