Դոնեցկի Ժողովրդական Հանրապետության գերագույն դատարանը մահապատժի է դատապարտել 3 օտարերկրացու, որոնք կռվել են ուկրաինական գրոհայինների շարքերում։ Տեղեկությունը հայտնում է ՌԻԱ Նովոստին։
ԴԺՀ Գերագույն դատարանի դատավճռի համաձայն՝ մահապատժի են դատապարտվել Մարոկկոյի քաղաքացի Սաադուն Բրահիմն ու Մեծ Բրիտանիայի քաղաքացիներ Էյդեն Ասլինն ու Շոն Փիները։
Հանրապետության օրենքների համաձայն՝ դատապարտյալները գնդակահարվելու են։
Փիները, Ասլինն ու Բրահիմն իրենց մեղավոր են ճանաչել իշխանության բռնի զավթմանն ուղղված գործողությունների համար:
Վարձկանները գերի են հանձնվել ապրիլի կեսերին Մարիուպոլում։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 106-րդ օրը։