Ուժեղ անձրևներն ու կարկուտը խնդիրներ են առաջացրել Մցխեթի շրջանի Սագուրամո գյուղի (գտնվում է Թբիլիսիից 30 կմ հեռավորության վրա) բնակիչների համար։
Ինչպես հայտնում է Sputnik Գրուզիան, ջրի տակ է անցել երթևեկելի հատվածը, մեքենաների շարժը դժվարացել է։
Բացի այդ, անձրևը սելավահոսքեր է առաջացրել։
Արտակարգ իրավիճակների կառավարման ծառայության տվյալներով` ճանապարհի մաքրման աշխատանքներ են տարվում։
Տուժածների մասին տեղեկություններ չկան։