ԵՐԵՎԱՆ, 7 հունիսի – Sputnik. Հայաստանում ուռուցքային վիրահատությունների հատկացումներն ավելացվել են։ Այս մասին ասաց ՀՀ առողջապահության նախարար Անահիտ Ավանեսյանը՝ 2021 թվականի պետբյուջեի կատարման մասին լսումների ժամանակ։
Նա հիշեցրեց, որ 2019 թվականից կառավարությունը այդ վիրահատությունները ներառել է պետպատվերի ծրագրում, սակայն դրանց համար կանխատեսվող բյուջեն մոտավոր էր կազմվել, քանի որ առանց դիմելիության պատմության դժվար էր կանխատեսել դրանց ծավալները։ Այդ պատճառով էլ փաստացի ծախսերը գերազանցել են կանխատեսվող ծախսերին։
Բացի այդ, կորոնավիրուսի և լոքդաունների պատճառով այդ վիրահատությունների հետաձգումներ են արձանագրվել, և դրանց մի մասը տեղափոխվել է 2021 թվական։
Ընդհանուր առմամբ ոչ ինֆեկցիոն հիվանդությունների դեմ պայքարի վրա ՀՀ ԱՆ-ն 2021թ․-ին ծախսել է 17,3 մլրդ դրամ կամ 14,8 տոկոսով ավելի, քան 2020 թվականին։