ԵՐԵՎԱՆ, 6 հունիսի – Sputnik. ԱՄՆ-ում մահացել է բաս-կիթառահար և ամերիկյան հայտնի «Bon Jovi» ռոք խմբի հիմնադիրներից Ջոն Սաչը։ Տեղեկությունը հրապարակվել է խմբի թվիթերյան էջում։
Սաչը 70 տարեկան էր։ Մահվան պատճառը չի նշվում։
«Ցավով հայտնում ենք մեր սիրելի ընկերոջ` Ալեք Ջոն Սաչի մահվան մասին։ Նա «Bon Jovi Alec»-ի հիմնադիրներից մեկն էր և խմբի ստեղծման անբաժանելի մասը: Մենք կկարոտենք քեզ»,- գրել են գործընկերները և խոստովանել, որ հենց Սաչի շնորհիվ են գտել միմյանց։
«Bon Jovi»-ն ստեղծվել է 1983 թվականին։ 2006 թվականին խումբը ներառվել է Մեծ Բրիտանիայի երաժշտական Փառքի սրահում, իսկ 2018 թվականին՝ ռոք-ն-ռոլի ամերիկյան փառքի սրահում։