ԵՐԵՎԱՆ, 6 հունիսի – Sputnik. «Այբ» դպրոցի նախագծային ուսումնառության ինժեներական ակումբի Ad Astra թիմի նախագծած սարքը կուղարկվի տիեզերք։ Այս մասին տեղեկանում ենք դպրոցի ֆեյսբուքյան էջից։
«Ad Astra թիմը դարձել է 2022 թ. Քեմուրջյանի անվան համաերիտասարդական տիեզերքի մրցույթի հաղթող։ «Այբի» աշակերտների նախագծած սարքը, որպես մրցույթի հաղթող, կուղարկվի տիեզերք։ Թռիչքը նախատեսվում է հունիսին տիեզերք դուրս եկող ենթաուղեծրային հրթիռից»,– նշված է հաղորդագրության մեջ։
«Այբ» դպրոցի Ad Astra թիմի անդամներն են 12-րդ դասարանի աշակերտներ Անդրե Վարդանյանը, Էլինա Մելքոնյանը, Հայկ Փիլիպոսյանը և 11-րդ դասարանցի Դավիթ Վանյանը, իսկ մենթորներն են ինժեներական ակումբի ղեկավար Վազգեն Գաբրիելյանը և ռոբոտաշինության լաբորատորիայի աշխատակից, «Այբ» դպրոցի շրջանավարտ Ռուբեն Քերոբյանը։