ԵՐԵՎԱՆ, 1 հունիսի - Sputnik. Երեխաների պաշտպանության միջազգային օրվա առթիվ ՀՀ նախագահի նստավայրում հյուրընկալվել են 2021-2022 թթ. մշակույթի, կրթության և սպորտի ոլորտներում նշանակալի հաջողություն արձանագրած մի խումբ պատանիներ, հայտնում են ՀՀ նախագահի աշխատակազմից:
Երեխաները նախ շրջել են նախագահական նստավայրում, ծանոթացել շենքի պատմությանը: Այնուհետև ՀՀ նախագահ Վահագն Խաչատուրյանը և ՀՀ կրթության, գիտության, մշակույթի և սպորտի նախարար Վահրամ Դումանյանը ողջունել և շնորհավորել են պատանիներին:
ՀՀ նախագահը պատասխանել է երեխաներին հետաքրքրող հարցերին: Այնուհետև նախագահական նստավայրի մեծ դահլիճում երեխաները կատարել են հայտնի, ինչպես նաև իրենց հեղինակած ստեղծագործություններից մի քանիսը: