Հայաստանի թիմը երկրորդ հաղթանակը գրանցեց Երևանում անցկացվող բռնցքամարտի տղամարդկանց Եվրոպայի առաջնությունում: Մրցումային երկրորդ օրը պայքարի մեջ մտավ Համբարձում Հակոբյանը, որը 80 կգ քաշայինների 1/16 եզրափակիչում հաղթեց մոլդովացի Քոսիան Դմիտրիին։
Թեև առաջին ռաունդում մրցավարներն առավելությունը տվեցին մոլդովացի բռնցքամարտիկին, բայց երեք ռաունդների արդյունքում հաղթանակը շնորհվեց Հովհաննես Համբարձումյանին։
Հիշեցնենք` Եվրոպայի բռնցքամարտի առաջնության բացման հանդիսավոր արարողությունը կայացավ մայիսի 22–ին Երևանի Կարեն Դեմիրճյանի անվան մարզահամերգային համալիրում։
Առաջնությանը մասնակցում են 39 երկիր ներկայացնող ավելի քան 200 մարզիկներ։ Եվրոպայի առաջնության ընդհանուր մրցանակային ֆոնդը կազմում է 260 հազար դոլար: