Դրանք թունելի մուտքի առաջին կադրերն են, որոնք նկարահանվել են ուկրաինացի զինվորականների ու «ազովականների» գերեվարումից հետո։
Խումբը մտել է գործարանի տարածք «Ազովստալի» այն նույն ճանապարհով, որով ուկրաինացիները գնում էին հանձնվելու։
Կադրերում երևում է գործարանի ավերված արտադրամասերից մեկը։ Ներսում նկատվում են նռնակների հետքերը։ Եվ կողքին՝ թունելի ելքը, որով դուրս են եկել ուկրաինացի զինվորականներն ու «Ազովի» գրոհայինները (նրանց դեմ Ռուսաստանում քրեական գործեր են հարուցվել)։ Ներս մտնելն առայժմ արգելված է, քանի որ ականազերծման միջոցառումներ են իրականացվում։
Ռուսաստանի պաշտպանության նախարարությունը մայիսի 20-ին հայտնել է, որ «Ազովստալի» տարածքն ամբողջությամբ ազատագրված է, ձեռնարկության ստորգետնյա կառույցները, որտեղ թաքնվում էին գրոհայինները, անցել են ռուսական զինված ուժերի լիակատար վերահսկողության տակ:
Ընդհանուր առմամբ, ՌԴ ՊՆ-ի տվյալներով, մայիսի 16-ից զենքը վայր են դրել ու գերի են հանձնվել «Ազովի» գնդի 2439 նացիստներ և ուկրաինացի զինվորականներ, որոնք մոտ մեկ ամիս արգելափակված էին գործարանի տարածքում:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 88-րդ օրը։