Էքսկավատոր տեղափոխող մեծ բեռնատարի վարորդը՝ կորցնելով կառավարումը, Ղրղզստանի և Ուզբեկստանի սահմանին բախվել է «Չեչմե» անցակետին և հերթում սպասող մեքենաներին։ Բեռնատարը վրաերթի է ենթարկել նաև անցակետի մոտ կանգնած մարդկանց, գրում է Sputnik Ղրղզստանը։
Թեթև մարդատար մի քանի մեքենաներ պարզապես ճզմվել են։
Բատկենի մարզի առողջապահության հարցերի համակարգող Արզիբեկ Բորուբեկովի տվյալներով` վթարի վայրում 5 մարդ է մահացել, ևս 2-ը մահացել են հիվանդանոցի ճանապարհին։ Սահմանապահների մեջ տուժածներ չկան։
Դեպքի հանգամանքները պարզելու համար հետաքննություն է սկսվել, դեպքի վայրում արտակարգ ծառայությունների աշխատակիցներ են աշխատում։