Ամպրոպի ժամանակ սպասվում է քամու ուժգնացում. եղանակի տեսություն

ԵՐԵՎԱՆ, 13 մայիսի – Sputnik. Հայաստանի Հանրապետության տարածքում մայիսի 13-ի և 16-ի գիշերը, 15-ի ցերեկը, 16-ի առավոտյան ժամերին և ցերեկը շրջանների զգալի մասում, 17-ին առանձին շրջաններում, սպասվում է անձրև և ամպրոպ, առանձին հատվածներում հնարավոր է կարկուտ: Մայիսի 13-ի ցերեկը, 14-ին, 15-ի գիշերը սպասվում է առանց տեղումների եղանակ: Տեղեկությունը հայտնում է ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ-ից։

Քամին արևմտյան է՝ 2-5 մ/վ արագությամբ, ամպրոպի ժամանակ սպասվում է քամու ուժգնացում՝ 15-20 մ/վ արագությամբ:

Օդի ջերմաստիճանը մայիսի 13-16-ն աստիճանաբար կբարձրանա 6-8 աստիճանով։

Երևան քաղաքում մայիսի 13-ի գիշերը, 16-ին սպասվում է անձրև և ամպրոպ, ամպրոպի ժամանակ՝ քամու ուժգնացում 15-18 մ/վ արագությամբ: Մայիսի 13-ի ցերեկը, 14-15-ը, 17-ին սպասվում է առանց տեղումների եղանակ:

Մայրաքաղաքում մայիսի 13–ի գիշերը եղել է 7-9 աստիճան տաքություն, իսկ ցերեկային ժամերին կգրանցվի +20...+22 աստիճան։