Հրդեհ է բռնկվել Բուրսայի առևտրի կենտրոններից մեկում (Թուրքիա)։ Հրդեհի հետևանքով փլվել է առաստաղը, հայտնում է Hurriyet-ը։
Դեպքի վայր են ժամանել հրշեջների, փրկարարների, բժիշկների և ոստիկանների խմբեր:
Նշվում է, որ փլուզման հետևանքով առևտրի կենտրոնի այցելուները խուճապի մատնված դուրս են վազել շենքից: Կենտրոնի մուտքերն այժմ արգելափակված են։
Զոհերի և տուժածների մասին առայժմ տեղեկություններ չկան:
Սակայն արտակարգ ծառայությունների աշխատակիցները զննում են տարածքը՝ պարզելու համար, թե արդյոք այնտեղ տուժածներ չկան։