Ռուսաստանի պաշտպանության նախարարությունը ցուցադրել է, թե ինչպես են գետն անցնելիս ոչնչացվում Ուկրաինայի զորքերը բարձր ճշգրտության հրթիռներով։ Գետի վրա հատուկ կամրջակ էր տեղադրվել պահուստային զրահատեխնիկայի և անձնակազմի տեղափոխման համար:
Հրապարակված տեսագրությունում երևում է անօդաչու թռչող սարքի նկարահանումը։ Մի քանի ճշգրիտ հարվածներ են իրականացվել, այդ թվում՝ կամրջակի խոցումով, որի հետևանքով այն քանդվել է։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 74-րդ օրը։