ԵՐԵՎԱՆ, 2 մայիսի – Sputnik. Ընթացիկ տարվա փետրվարի 24-ից ի վեր ավելի քան 5.5 մլն մարդ մեկնել է Ուկրաինայից, նրանցից ավելի քան 682 հազարը ժամանել է Ռուսաստան։ Այս մասին նշվում է ՄԱԿ-ի Փախստականների հարցերով գերագույն հանձնակատարի վարչության թարմացված վիճակագրության մեջ, որը հրապարակվել է գերատեսչութան կայքում։
Մայիսի 1-ի տվյալներով, Ուկրաինան ընդհանուր առմամբ լքել է 5 563 959 մարդ։ Նրանցից 3 056 826-ը մեկնել է Լեհաստան, 825 874-ը` Ռումինիա, իսկ 681 156-ը՝ Ռուսաստան:
ՄԱԿ ՓՀԳՀ-ն նշում է, որ փետրվարի 18-23-ն ընկած ժամանակահատվածում ևս 105 000 մարդ է Դոնեցկի և Լուգանսկի մարզերից (Ռուսաստանը ճանաչել է ԼԺՀ-ի և ԴԺՀ-ի անկախությունը փետրվարի 21-ին) տեղափոխվել ՌԴ:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 68-րդ օրը։