Սարդարապատից Երևան հասած «Դիմադրություն» շարժման անդամները «Հաղթանակ» կամրջի վրա յարխուշտա ու քոչարի էին պարում։
Նրանք նաև եռագույնով ծխագլաններ վառեցին, ծածանում էին Հայաստանի և Արցախի դրոշները։
Հիշեցնենք՝ «Դիմադրություն» շարժման անդամները Հայաստանի 4 տարբեր մարզերից երթեր էին սկսել դեպի Երևան։ Առաջին երթը մեկնարկել է ապրիլի 25-ին` Տավուշի մարզի Իջևան քաղաքից, հաջորդը` Արարատի մարզի Տիգրանաշեն գյուղից, նույն օրը երթ է մեկնարկել նաև Արագածոտնի մարզի Ապարան քաղաքից։ Վերջին՝ 4-րդ երթը սկիզբ է առել Արմավիրի մարզի Սարդարապատ գյուղից։
Ժամը 16-ին բոլորը հավաքվելու են Ֆրանսիայի հրապարակում՝ հանրահավաքի։