«Ջերմուկ Գրուպ» ՓԲԸ-ի տարածքում հրդեհ է բռնկվել

ԵՐԵՎԱՆ, 25 ապրիլի – Sputnik. Երևանի Արշակունյաց պողոտայում գտնվող «Ջերմուկ Գրուպ» ՓԲԸ-ի տարածքում հրդեհ է բռնկվել, որը կարճ ժամանակում մարվել է։ Տեղեկությունը հայտնում է ՀՀ արտակարգ իրավիճակների նախարարությունը։

Ըստ հաղորդագրության` Ճգնաժամային կառավարման ազգային կենտրոնը ժամը 11։36-ին է ահազանգ ստացել։

Հրդեհի բարդության «1 ԲԻՍ» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ։

Հրդեհը մեկուսացվել է ժամը 11:50-ին, մարվել՝ 11։59-ին։ Այրվել է մոտ 20 քմ ստվարաթուղթ։