Երկրագունդն աղբանոց չէ. կենդանիներ, որոնք հայտնվել են աղբի մեջ (ֆոտոշարք)

1 / 15

Արագիլները՝ ՀՀ Արարատի մարզի Մասիս քաղաքի մոտ գտնվող աղբանոցում։

2 / 15

Ռուսաստանի հեռավոր Բելուշյա Գուբա գյուղի մոտ սպիտակ արջերը սնվում են աղբանոցում։

3 / 15

Ֆլորիդայի Լեյք Սիթիում գտնվող աղբանոցում FWC վայրի բնության կենսաբանը գրկել է հիվանդ արծվին։

4 / 15

Աչեխի լողափում կատուն աղբի մեջ ուտելիք է փնտրում։

5 / 15

Հյուսիսային Մակեդոնիայի Բիտոլա քաղաքի մոտակայքում գտնվող ածխով աշխատող էլեկտրակայանի հովացման աշտարակների մոտ խոզերը սնվում են թափոններով:

6 / 15

Արագիլները՝ Հարավային Աֆրիկայում գտնվող Յոհանեսբուրգի ամենամեծ աղբանոցում։

7 / 15

Սերբիայում՝ Դանուբ գետի ափին գտնվող կոյուղու խողովակի մոտ, բույն է դրել կարապը:

8 / 15

Վայրի փղերը սնունդ են փնտրում Շրի Լանկայի Պալակադու գյուղի աղբավայրում: Վերջին ութ տարվա ընթացքում մոտ 20 փիղ է սատկել՝ աղբավայրում պլաստիկ աղբ ուտելու հետևանքով:

9 / 15

Կեղտոտ փետուրներով արագիլներ՝ ՀՀ Արարատի մարզի Հովտաշեն գյուղում։

10 / 15

Էշը աղբ է ուտում Պերուի մայրաքաղաք Լիմայի ծայրամասում գտնվող աղբանոցում։

11 / 15

Դանիայում կարապների զույգն աղբից բույնն է պատրաստում։

12 / 15

Շրի Լանկայի Տրինկոմալեի տարածքում վայրի եղնիկները քայլում են աղբի միջով։

13 / 15

Խաղաղ օվկիանոսի Իսաբելա կղզում աղբի մոտ հանգստանում է փոկը:

14 / 15

Ասսամ նահանգում հնդիկ տղան աղբը տեսակավորում է արագիլի կողքին:

15 / 15

Հորդանանի հովտում գտնվող Տովլան աղբավայրում վերամշակված պլաստիկի վրա բազմաթիվ արագիլներ են հավաքվել:

Գլխավոր ասամբլեայի 63-րդ նստաշրջանի նախագահ Միգել դ'Էսկոտոն հայտարարել է, որ բանաձևում այս Միջազգային օրվա հռչակումն ճանաչումն է, որ Երկրագունդը և իր Էկոհամակարգերը մարդկության համար ապահովում են կյանք, որը պետք է պաշտպանել, և բնության ու Երկիր մոլորակի միջև պետք է ներդաշնակություն լինի։

Երկիր մոլորակի օրը նշելու ավանդույթը ծնունդ է առել ԱՄՆ-ում բնապահպան ակտիվիստ Գեյլորդ Նելսոնի նախաձեռնությամբ: 1970 թվականի ապրիլի 22-ին Երկիր մոլորակի օրը նշվել է առաջին անգամ: 1990 թվականին այս օրը դարձել է միջազգային ակցիա, որին 200 միլիոն մարդ է մասնակցել աշխարհի 141 երկրներում:

Տարբեր երկրներում այս օրը կազմակերպում են բազմազան միջոցառումներ և ակցիաներ, ներառյալ՝ խորհրդաժողովներ, ցուցահանդեսներ, խոշոր քաղաքների բանուկ փողոցներում ավտոմոբիլային երթևեկության դադարեցում, տարածքի մաքրում և ծառատունկ: