ԵՐԵՎԱՆ, 15 ապրիլի – Sputnik. Ոստիկանները Երևանի Այգեստան փողոցի տներից մեկում տղամարդու դի են հայտնաբերել։ Տեղեկությունը հայտնում է shamshyan.com–ը։
Ըստ հաղորդագրության` ոստիկանության Կենտրոնական բաժինը ժամը 09։40-ին ահազանգ է ստացել, որ Այգեստան 11 փողոցի տներից մեկում տղամարդու դի կա։
Իրավապահները տղամարդու դին հայտնաբերել են հյուրասենյակի բազմոցի վրա։
Տեղում աշխատող դատաբժիշկը, զննելով դին, արձանագրել է, որ տղամարդու մարմնի վրա դանակի 3 հարվածի հետք կա։
Ոստիկանությունն ու քննչական բաժինը պարզում են մահացածի ինքնությունը։
Դեպքի վայրում դիակի կողքին հայտնաբերել են խոհանոցային դանակ և նամակ։
Ոստիկանները անհրաժեշտ գործողություններ են ձեռնարկել պարզելու համար` տեղի ունեցածը ինքնասպանություն է, թե սպանություն։